ಪಾಲಕ್ ಸೊಪ್ಪಿನ ಪಲ್ಯ :
ಬೇಕಾಗುವ ಸಾಮಗ್ರಿಗಳು:
ಪಾಲಕ ಸೊಪ್ಪು ಒಂದು ಅಥವಾ ಎರಡು ಕಟ್ಟು,
ಈರುಳ್ಳಿ ಒಂದು, ಹೆಚ್ಚಿಕೊಳ್ಳಿ
ಚಿಕ್ಕ ಆಲೂಗಡ್ಡೆ ಒಂದು ಸಣ್ಣದಾಗಿ ಹೆಚ್ಚಿಕೊಳ್ಳಿ,
ಟಮೋಟ ಒಂದು ಹೆಚ್ಚಿಕೊಳ್ಳಿ,
ಹಸಿಮೆಣಸಿನಕಾಯಿ ಒಂದು ಮದ್ಯಕ್ಕೆ ಸೀಳಿದ್ದು,
ರುಚಿಗೆ ತಕ್ಕಷ್ಟು ಸಾರಿನ ಪುಡಿ ಅಥವಾ ರಸಂ ಪುಡಿ,
ರುಚಿಗೆ ತಕ್ಕಷ್ಟು ಉಪ್ಪು
ಎಣ್ಣೆ ಎರಡು ಚಮಚ
ಜೀರಿಗೆ,ಸಾಸಿವೆ
ಮಾಡುವ ವಿಧಾನ :
ಪಾಲಕ್ ಚೆನ್ನಾಗಿ ಶುಚಿಗೊಳಿಸಿ,ತೊಳೆದು ನಂತರ ಸಣ್ಣಗೆ ಹೆಚ್ಚಿಕೊಳ್ಳಿ.
ಬಾಣಲೆಗೆ ಎಣ್ಣೆ ಹಾಕಿ ಕಾದ ನಂತರ ಜೀರಿಗೆ, ಸಾಸಿವೆ ಹಾಕಿ, ಈರುಳ್ಳಿ ಹಾಕಿ ಚೆನ್ನಾಗಿ ಹುರಿದುಕೊಂಡು ನಂತರ ಅದಕ್ಕೆ ಆಲೂಗಡ್ಡೆ ಹಾಕಿ ಎರಡು,ಮೂರು ನಿಮಿಷ ಹಾಗೆ ಹುರಿದು , ಟಮೋಟ ಹಾಕಿ. ಆಮೇಲೆ ಪಾಲಕ್ ಸೊಪ್ಪು ಹಾಕಿ ಚೆನ್ನಾಗಿ ಅದರಲ್ಲಿಯೇ ಬೆರೆಸಿ, ಉಪ್ಪು ,ಹಸಿಮೆಣಸಿನಕಾಯಿ ಮತ್ತು ಸಾರಿನ ಪುಡಿಹಾಕಿ ಮುಚ್ಚಿಡಿ, ನೀರು ಹಾಕುವ ಅವಶ್ಯಕತೆ ಇಲ್ಲ, ಅದು ಮುಚ್ಚಿದಾಗ ಆವಿಯಲ್ಲಿಯೇ ಬೇಯುತ್ತದೆ. ಮದ್ಯೆ ಒಮ್ಮೆ ತಿರುವಿ.ಐದು ನಿಮಿಷದಲ್ಲಿ ಬೇಯುವುದು. ನಂತರ ಕೊತ್ತಂಬರಿ ಸೊಪ್ಪು ಮತ್ತು ಕಾಯಿತುರಿ ಬೇಕಾದರೆ ಹಾಕಿಕೊಳ್ಳಿ. ಇದು ಊಟಕ್ಕೆ ಅಥವಾ ಚಪಾತಿಗೆ ನೆಂಚಿಕೊಳ್ಳಬಹುದು.
No comments:
Post a Comment