Carrot Payasa - ಕ್ಯಾರೆಟ್ ಪಾಯಸ/ಖೀರು:

ಕ್ಯಾರೆಟ್ ಪಾಯಸ/ಖೀರು:

ಬೇಕಾಗುವ ಸಾಮಗ್ರಿಗಳು:

ಕ್ಯಾರೆಟ್ - ಒಂದು ಬಟ್ಟಲು ಹೆಚ್ಚಿದ್ದು
ಸಕ್ಕರೆ ರುಚಿಗೆ
ಹಾಲು - ಅಗತ್ಯವಿದ್ದಷ್ಟು
ದ್ರಾಕ್ಷಿ ಮತ್ತು ಗೋಡಂಬಿ
ಕೇಸರಿ ದಳಗಳು
ಗುಲಾಬಿ ನೀರು (ರೋಸ್ ವಾಟರ್)
ತುಪ್ಪ

ವಿಧಾನ:

ಮೊದಲು ಕ್ಯಾರೆಟ್ ಅನ್ನು ಬೇಯಿಸಿಕೊಂಡು, ಸ್ವಲ್ಪ ನೀರು ಅಥವ ಹಾಲು ಹಾಕಿಕೊಂಡು ಅದನ್ನು ರುಬ್ಬಿಕೊಳ್ಳಿ. ಕೇಸರಿಯನ್ನು ಸ್ವಲ್ಪ ಹಾಲಿನಲ್ಲಿ ನೆನೆಹಾಕಿ.
ಒಂದು ಪಾತ್ರೆಗೆ ತುಪ್ಪ ಹಾಕಿ , ಕರಗಿದ ತುಪ್ಪದಲ್ಲಿ ದ್ರಾಕ್ಷಿ ಮತ್ತು ಗೋಡಂಬಿಯನ್ನು ಹುರಿದು, ಅದಕ್ಕೆ ಹಾಲನ್ನು ಹಾಕಿ, ರುಬ್ಬಿದ ಕ್ಯಾರೆಟ್ ಮಿಶ್ರಣವನ್ನು ಹಾಕಿ, ಚೆನ್ನಾಗಿ ಕುದಿಸಿ, ತಿರುಗಿಸುತ್ತಿರಿ. ಕುದಿ ಬರುವಾಗ ಸಕ್ಕರೆ ಮತ್ತು ಕೇಸರಿಹಾಲನ್ನು ಸೇರಿಸಿ. ಸಕ್ಕರೆ ಕರಗುವಂತೆ ಕ್ಯಾರೆಟ್ ಮಿಶ್ರಣವನ್ನು ಚೆನ್ನಾಗಿ ಕುದಿಸಿ.ಇಳಿಸಿ. ಇದಕ್ಕೆ ಒಂದು ಚಮಚ ಗುಲಾಬಿ ನೀರು ಹಾಕಿ. ಇದೀಗ ಪೌಷ್ಠಿಕರವಾದ, ನೋಡಲು ಸುಂದರವಾದ, ಕುಡಿಯಲು ರುಚಿಯಾದ ಆರೋಗ್ಯಕ್ಕೆ ಹಿತಕರವಾದ ಕ್ಯಾರೆಟ್ ಪಾಯಸ/ಖೀರು ತಯಾರಾಗಿದೆ.